Il-Ġimgħa kienet ġurnata intensiva għal Napoli hekk kif it-tim mill-Arabja Sawdija Al Hilal baqgħu jirsistu fuq l-attakkant internazzjonali Niġerjan Victor Osimhen. Huma lesti joffru s-somma ta’ €180 miljun għalih iżda minkejja kollox, i Partenopei baqgħu jżommu sod u mhux beħsiebhom iċedu pulzier sabiex iħalluh jitlaq.
Ilbieraħ tkellem ukoll il-president ta’ Napoli Aurelio de Laurentis li kellu laqgħa mal-aġent Roberto Calenda u qal li l-partitarji Partenopei jistgħu jserrħu rashom li Osimhen se jkun parti mit-tim għall-istaġun li ġej.