L-injury ta’ Neymar Junior xejn ma niżlet tajjeb mad-diriġenti ta’ Al Hilal li kienu qed joħolmu li jaraw aktar mill-qrib lil din l-istilla Brażiljana li tant għamel wirjiet kbar meta kien jilgħab ma’ Barcellona u Paris St Germain.
Neymar lagħab biss tliet partiti ma’ Al Hilal u għalhekk ftit seta’ juri l-potenzjal tiegħu. Sadanittant l-istess diriġenti ta’ dan il-klabb ftiehmu mal-kowċ tagħhom Jorge Jesus sabiex jissospendu temporanjament il-kuntratt ta’ Neymar li ġie operat f’Belo Horizonte u għandu barra diversi xhur. Din is-sospensjoni se tkun fis-seħħ minn Jannar li ġej sabiex Al Hilal ikunu jistgħu jixtru attakkant ieħor minfloku.
