L-attakkant Arġentin, Alejandro Garnacho, ma aċċettax li jġedded il-kuntratt ma’ Manchester United hekk kif dak eżistenti jintemmlu f’Ġunju 2024.
Il-fatt li Real Madrid qed juru interess qawwi fis-servizzi ta’ dan il-player ta’ 18-il sena, huwa se jistenna l-offerta tagħhom. Barra minn hekk l-ambjent Spanjol aktar jogħġbu għall-fatt li jitkellmu bl-istess lingwa tiegħu.
Bħalissa huwa qed ikollu rwol importanti fil-pjani tal-coach, Erik ten Hag. Iżda s-salarju tiegħu huwa dak ta’ miżeru ta’ £2,000 il-ġimgħa u r-Red Devils huma lesti li jagħtuh £10,000 fil-ġimgħa.
Peró huwa sostna li mhux se jgħaġġel fid-deċiżjoni tiegħu minħabba li huwa konxju li fi tmiem l-istaġun li ġej huwa jista’ jinnegozja l-kuntratt tiegħu.
Il-Madrileni lesti li jistennew sakemm jiġi player liberu u saħansitra lesti li jagħmlu kuntratt biex f’Ġunju 2024 jingħaqad magħhom fejn huma lesti li jagħtuh salarju fenomenali.
Juventus ukoll qed isegwu l-progress tiegħu.
