Il-midfielder ta’ Barcelona, Alex Collado għadu jitqies bħala mira ta’ trasferiment għal Sheffield United.
Il-club miċ-Championship kien viċin li jiffirma lill-player ta’ 22 sena qabel ma fallew fuq ftehim ta’ self qabel it-tmiem tat-tieqa tat-trasferimenti tas-sajf.
Collado mhux irreġistrat biex jilgħab fil-La Liga, u tħalla fil-limbu, jistenna għall-bidu tal-2022 biex jasal sabiex ikun jista’ jiżgura trasferiment ma’ xi club ieħor.
Sheffield United huwa wieħed minn numru ta’ clubs li huma interessati li jissiġillaw ftehim għal dan il-player.
Club Brugge, Parma, Real Betis, Almeria, Copenhagen u FC Andorra kollha qed isegwu s-sitwazzjoni ta’ dan il-player.
Filwaqt li l-kuntratt ta’ Collado huwa dovut li jiskadi fl-2023, Barcelona huma kontra l-għażla ta’ trasferiment permanenti fi kwalunkwe proposta.
