Il-kowċ il-ġdid ta’ Manchester United Ruben Amorim kien qed jagħti xi kummenti fuq is-sit elettroniku tal-klabb fejn fisser sew x’se jkunu l-objettivi tiegħu sa tmiem l-istaġun.
L-eks kowċ ta’ Sporting Lisbon qal li għandu responsabbilta’ kbira quddiemu għalkemm sejħilha bħala xi ħaġa sabiħa. Hu sostna li se jkun qed jitlob pariri mill-kollaboraturi tiegħu speċjalment għax mhux xi ħaġa ideali li se jkun qed jieħu din il-kariga fi staġun mibdi.
Hu temm jgħid li se jkun qed jagħtu motivazzjoni ġdida lill-plejers il-ġodda tiegħu u jittama li jaslu riżultati pożittivi għax hekk jixraqlu bħala tim glorjuż.
