Hekk kif il-plejer ta’ nofs il-grawnd veteran Andres Iniesta telaq lil Vissel Kobe tal-Ġappun, hu għadu ma jridx jieqaf mil-logħba tal-futbol. Fil-fatt ta’ 39 sena, l-eks plejer ta’ Barcellona ffirma kuntratt ta’ sena ma’ Ras Al-Khaimah fl-Emirati Għarab Magħquda.
Iniesta, li rebaħ dak kollu li joffri l-futbol ma’ Barcellona u t-tim nazzjonali Spanjol, qal li għadu jħossu tajjeb fiżikament u sostna li jrid jagħti l-kontribut tiegħu fl-iżvilupp tal-futbol fl-UAE.
Ras Al-Khaimah laqgħu lill-plejer Spanjol u offrewlu kuntratt ferm interessanti b’salarju ferm għoli.
