L-istilla ta’ Barcelona Ansu Fati huwa viċin li jaqbel ma’ kuntratt ġdid fit-tul biex jibqa’ fil-Camp Nou.
Iż-żagħżugħ ta’ 18-il sena, li se jara l-ftehim attwali tiegħu jiskadi fis-sajf li ġej, kien f’negozjati mal-club Katalan dwar estensjoni minn meta l-aġent tiegħu Jorge Mendes vjaġġa lejn Spanja għal taħdidiet il-ġimgħa li għaddiet.
Barcelona kienu mġiegħla jwaqqfu t-taħdidiet dwar il-kuntratti, iżda Fati qed jersaq eqreb lejn il-qbil ta’ ftehim ġdid ta’ ħames snin.
In-negozjati huma maħsuba li jinsabu fl-aħħar stadji u ż-żewġ partijiet issa qed jimlew il-burokrazija meħtieġa qabel ma jkunu jistgħu jħabbru l-ftehim, li għandu jinkludi klawsola ta’ release ta’ €1 biljun.
Barcelona dejjem kienu ‘ottimisti u kunfidenti’ li l-kuntratt jiġi ffirmat dalwaqt, wara li saru taħdidiet pożittivi mal-aġent tal-player, Mendes.
Fati, li kien marbut kemm ma’ Manchester City kif ukoll ma’ Manchester United, riċentement irritorna minn injury fit-tul fl-irkoppa u skorja l-15-il goal għall-club tiegħu fir-rebħa ta’ 3-1 kontra Valencia nhar il-Ħadd.
