Misjuq minn Redent Magro, il-Franċiż Antoine Du Bourg rebaħ it-tiġrija ewlenija li saret it-Tlieta fil-għaxija fil-korsa tal-Marsa fl-okkażjoni tal-festa nazzjonali. Din kienet il-finali tal-ame Sette Giugno Cup għal żwiemel tal-klassi Premier fuq distanza qasira ta’ 2140m. Din il-finali għamlet parti mill-31 laqgħa tal-istaġun fuq għaxar tiġrijiet kollha għal żwiemel tat-trott.
Ħdax -il żiemel ħadu sehem fil-finali Premier. Jefferson Dotcom (Rodney Gatt) kien l-aktar wieħed veloċi wara l-karozza tat-tluq u minnufih fetaħ vantaġġ żgħir minn Kaptah (Michael Ellul) u Rally Hans (Marco Refalo). Dawra mit-tmiem beda’ ġej ukoll l-attakk fuq in-naħħa ta’ barra ta’ Antoine Du Bourg (Redent Magro). Il-finali ħadet svolta oħra meta l-ewwel żwiemel daru biex jaffrontaw id-dritta finali.
Kien f’dak il-ħin li Jefferson Dotcom beda jnaqqas mill-ġiri u dlonk inqabeż minn Antoine Du Bourg li baqa’ sejjer biex rebaħ il-finali u ħa r-raba’ suċċess tas-sena minn Rally Hans u Gigant Well (Charles Degiorgio). Kaptah (Michael Ellul) temm fir-raba’ post. Antoine Du Bourg kellu medja ta’ 1.13.5” fil-kilometru.
Fi tmiem il-finali, Mario Camilleri, f’isem l-isponsors ippremja lil Peter Agius u Redent Magro, is-sid u sewwieq rispettiv taż-żiemel rebbieħ. Dan fil-preżenza ta’ Dr Matthew Brincat, CEO tal-kumpanija li tmexxi l-korsa Marsa Racetrack Limited.
Ir-rebbieħa kollha
I Tiġrija. Klassi Copper. Dist – 2140m. 1. Sharif America (M. Sammut) Ħin – 2.42” (1.15.7”) 2. Rasputin LG (R. Cassar) 3. Voyou De Javron (T. Mallia) 3. Mundus L.N. (B. Camilleri)
II Tiġrija. Klassi Bronze. Dist – 2140m. 1. Fox Trot Maybe (M. Debono) Ħin – 2.44.5” (1.16.9”) 2. Khali Magdalon (K. Saliba) 3. Extreme Erca (P. Galea) 4. Germanopratin (J. Said)
III Tiġrija. Klassi Silver. Dist – 2140m. 1. Bijou d’Aure (C. Camilleri) Ħin – 2.43.5” (1.16.4”) 2. Darkness Queen (R. Delceppo) 3. Vivoli (M. Cauchi) 4. Atus Picken (D. Xerri)
IV Tiġrija. Klassi Silver. Dist – 2140m. 1. Edson Boko (J. Gafa’) Ħin – 2.43.2” (1.16.3”) 2. Boom Boom Becker (G. Muscat) 3. Felin Du Dropt (C. Vassallo) 4. Mind Your Face (G. Muscat)
V Tiġrija. Klassi Gold. Dist – 2140m. 1. Bara Min (R. Magro) Ħin – 2.40.2” (1.14.8”) 2. Xceed G.T. (C. Vassallo) 3. Baladin Du Reynard (K. Saliba) 4. Bastingage (O. Cauchi)
VI Tiġrija. Klassi Silver. Dist – 2140m. 1. Wellington (N. Barbara) Ħin – 2.40.5” (1.15”) 2. Doc Hollywood (R. Magro) 3. Ezior (Ch. Muscat) 4. Ceravin For Ever (K. Azzopardi)
VII Tiġrija. Klassi Gold. Dist – 2140m. 1. Connecticut (M. Ellul) Ħin – 2.40.4” (1.15”) 2. Defi Nay (R. Gatt) 3. Esta (C. Vassallo) 4. Gringo Boko (C. Camilleri)
VIII Tiġrija. Finali Kampjonat ame Tazza Sette Giugno. Klassi Premier. Dist – 2140m. 1. Antoine Du Bourg (R. Magro) Ħin – 2.37.4” (1.13.5”) 2. Rally Hans (M. Refalo) 3. Gigant Well (Ch. Degiorgio) 4. Kaptah (M. Ellul)
IX Tiġrija. Klassi Bronze. Dist – 2140m. 1. Tyra I.H. (M. Fenech) Ħin – 2.41” (1.15.3”) 2. Dieu d’Occagnes (C. Camilleri) 3. Queenswood (G. Attard) 4. Django Lover (K. Agius)
X Tiġrija. Klassi Gold. Dist – 2140m. 1. Triomphe Ferm (K. Saliba) Ħin – 2.39.8” (1.14.7”) 2. Ami De Clerlande (N. Baldacchino) 3. Barrio Josselyn (A. Cassar) 4. Ready Ribb (R. Gatt)
