Il-manager ta’ Brighton & Hove Albion, Roberto De Zerbi, jemmen li l-kompatrijott Taljan Antonio Conte jista’ jiggwida lil Tottenham Hotspur għar-rebħ tat-titlu tal-Premier League dan l-istaġun.
L-Ispurs ilhom ma jirbħu l-Premier League mill-istaġun 1960-61 taħt il-gwida tal-leġġenda tal-klabb Bill Nicholson, filwaqt li l-aħħar unuri maġġuri għalihom imur lura għall-2008 meta rebħu l-EFL Cup.
Wara li ngħaqad ma’ Tottenham f’Novembru tas-sena l-oħra, Conte mexxa lill-klabb mal-ewwel erbgħa l-istaġun li għadda, u bħalissa jinsabu fit-tielet post tal-klassifika, erba’ punti taħt il-leaders Arsenal u tlieta quddiem Brighton li jisnabu fir-raba’ post.
