Anzjan ta’ 82 sena miet wara li safa attakkat minn merħla baqar waqt li kien miexi ma’ martu f’Ivescar f’Yorkshire Dales fir-Renju Unit.
L-anzjan sfortunatament ġie ċċerifikat mejjet fil-post u martu ta’ 78 sena ttieħdet fi sptar bi trasport mill-ajru. Hija sofriet ġrieħi gravi u ttieħdet lejn ir-Royal Lancaster Infirmary permezz ta’ ħelikopter.
Skont l-ewwel investigazzjonijiet jidher li l-koppja setgħet tat fastidju l-merħa li hu mifhum li kellha l-frieħ. Kull sena jkun hemm rapporti fejn persuni jispiċċaw mgħaffġin minħabba sitwazzjonijiet simili fejn il-baqar jaġitaw ruħhom u jaġixxu b’mod li jitgerrxu għal fuq dak li jkun bil-ħsieb li jipproteġu liż-żgħar tagħhom. Normalment ħaddiema fl-irziezet u nies li jgħaddu jippassiġġaw jispiċċaw vittmi f’dawn l-inċidenti.
Ir-raħħala tant huma konxji ta’ din is-sitwazzjoni li għandhom tabelli li jindikaw li f’każ li persuni jkunu mexjin bil-klieb u b’xi mod dawn jispiċċaw mal-merħla, is-sid għandu jħallihom joħorġu waħidhom minħabba l-ħeffa tagħhom li tissuppera lil dik tal-bniedem u li b’hekk tagħmilha anqas riskjuża għalihom li jindarbu.