Anzjan tilef ħajtu wara li iktar kmieni llum, għall-ħabta tal-4:00 p.m, kien involut f’inċident f’residenza fi Triq iż-Żurrieq, f’Ħal Safi
Minn stħarriġ preliminari illi sar, irriżulta li raġel ta’ 79 sena waqa’ madwar sular minn gallarija tar-residenza tiegħu stess.
Huwa ngħata l-għajnuna minn minn tim mediku u ambulanza ħaditu l-Isptar Mater Dei, iżda ġie ċċertifikat mejjet ftit tal-ħin wara.
Bil-każ ġiet infurmata l-Maġistrat tal-Għassa Dr Caroline Farrugia Frendo.
L-investigazzjonijiet tal-Pulizija għadhom għaddejjin.
