Anzjan ta’ 68 sena residenti Bormla weġġa’ gravi wara li ntlaqat minn karozza.
L-inċident seħħ ilbieraħ għall-ħabta tat-3.15p.m. fi Triq San Nikola, Bormla.
Minn investigazzjoni preliminari rriżulta li l-anzjan weġġa’ wara li ntlaqat minn vettura Mazda 2, li kienet qed tinstaq minn raġel ta’ 31 sena residenti Ħaż-Żabbar.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u aktar tard, ġie ċċertifikat bi ġrieħi gravi.
L-investigazzjonijiet mill-Pulizija għadhom għaddejjin.
