Carmen Delgado ta’ 61 sena nżammet arrestata wara li ġie mixlija li pprovat iddaħħal f’pajjiżna seba’ kilogrammi droga kokaina.
Il-mara, li hija mill-Veneżwela, wieġbet mhux ħatja tal-akkużi miġjuba kontra tagħha. Id-droga nstabet fil-bagalja tagħha wara titjira minn Barċellona.
Fil-Qorti ntqal li uffiċjali tad-Dwana sabu kompartament falz u dlonk talbu l-assistenza tal-Pulizija.
Id-Difiża ma talbitx għall-ħelsien mill-arrest u għaldaqstant baqgħet tinżamm arrestata fil-Faċilità Korrettiva ta’ Kordin.
Il-Qorti laqgħet it-talba tal-Prosekuzzjoni biex jiġu ffriżati l-assi tal-imputata.
L-Avukat Joseph Bonnici deher għal Delgado.
