Mara ta’ 74 sena u toqgħod il-Gżira, għall-ħabta tad-9.30am, ittieħdet l-Isptar Mater Dei għax weġġgħet f’inċident tat-traffiku fi Triq Tas-Sliema, il-Gżira.
Mill-ewwel stħarriġ irriżulta li l-vittma ntlaqtet minn Toyota Tercel, li kienet qed tinstaq minn raġel ta’ 76 sena residenti San Ġwann.
Il-mara ngħatat l-għajnuna minn tim mediku, ittieħdet l-isptar b’ambulanza u ġiet iċċertifikatali weġġgħet gravi.
L-investigazzjonijiet mill-Pulizija għadhom għaddejjin.