Mara ta’ 70 sena residenti Ħal Kirkop qed issofri minn ġrieħi gravi.
Dan wara li għall-ħabta tal-5:00 p.m., kienet involuta f’inċident tat-traffiku fi Triq L-Imqabba, l-Imqabba.
Mill-ewwel stħarriġ irriżulta li għal xi raġuni tilfet il-kontroll tal-karozza Kia Picanto li kienet qed issuq u ħabtet ġo arblu.
Tim mediku assista lill-mara u ttieħdet l-Isptar Mater Dei b’ambulanza.
L-investigazzjonijiet tal-Pulizija b’rabta ma’ dan l-inċident għadhom għaddejjin.