Klijenta “ġdida” tat sorpriża kemm lis-sidien ta’ ħanut tal-ħwejjeġ u anke lill-klijenti li kien hemm f’dak il-ħin.
Baqra spiċċat ħolqot konfużjoni wara li daħlet f’ħanut fl-Indja li jinsab f’kumpless kummerċjali f’Dhubri.
Kemm il-ħaddiema u anke l-klijenti li kienu fil-ħanut bdew jipprovaw jaraw fejn se jmorru biex ma jweġġgħux fil-konfużjoni li ħolqot il-baqra.
Però kienu l-ħaddiema stess li rnexxielhom joħorġu l-baqra mill-ħanut mingħajr ħadd ma weġġa’.
