“Tinkwetawx m’iniex se nħabbar li se nitlaq… Fil-bidu tal-istaġun ħadd ma emmen fina. Iffurmajna grupp u meta ningħaqdu nistgħu nagħmlu dak li għamilna llum”. Sostna dan il-veteran Zlatan Ibrahimovic f’diskors b’saħħtu wara l-logħba tal-Ħadd kontra Sassuolo.
Huwa ma naqasx milli joħroġ il-karattru tipiku tiegħu ta’ aggressività sportiva hekk kif ħeġġeġ lit-tim kollu biex jiċċelebra kif jixraq għax dan kien mument li kien ilhom jaħdmu għalih u saħansitra qaleb il-mejda li kien hemm quddiemu.
