Waqt li kien qiegħed iwieġeb id-domandi tal-ġurnalisti, il-Prim Ministru Robert Abela qal li s-suġġett tal-elezzjoni jinsab fuq fomm kulħadd għax kien hemm kap tal-oppożizzjoni li dehrlu li kellu joħloq inċertezza.
Abela qal li mhux se jħalli lok għal inċertezza, għaldaqstant se jkun hemm kriterju wieħed li jiddetta meta ssir l-elezzjoni.
“Jien ma jidhirlix illi huwa fl-interess nazzjonali li l-elezzjoni ssir din is-sena u għaldaqstant l-elezzjoni ssir fis-sena skedata iġifieri fl-2022”.
