Minkejja kull twissija jidher li xorta waħda kien hemm nies li niżlu jgħumi f’Għajn Tuffieħa b’konsegwenza li l-lifeguards fl-aħħar ħinijiet salvaw 4 itfal milli jgħerqu.
Filmat li xxandar mir-Red Cross Malta juri l-mumenti li dawn it-tfal ġew salvati.
Aktar kmieni: Bandiera Ħamra Doppja f’Għajn Tuffieħa
Minħabba li r-riħ qiegħed jonfoq forza 5 għal 6, il-Malta Red Cross ħarġu avviż biex għalissa ħadd ma jmur jgħum fil-bajja ta’ Għajn tuffieħa.
Dan minħabba li r-riħ li qed jaħkem iż-żona u għalhekk hemm periklu għal dawk li jinżlu fil-baħar. Il-Malta Red Cross fil-fatt tellgħu Bandiera Ħamra Doppja li jfisser li ma hemmx lok għal għum f’din il-bajja. Ifisser ukoll li l-membri tas-salvataġġ mhux se jkunu disponibbli f’każ li xi ħadd jinjora dan l-avviż u xorta jinżel jgħum.
Intant għada filgħodu r-riħ mistenni jbatti ħafna u ma hemmx indikazzjoni li matul il-ġimgħa li ġejja se jkun hemm riħ qawwi ħafna.
