Mara ta’ 64 sena residenti Raħal Ġdid tilfet ħajjitha wara li waqgħet madwar sular għoli f’sit ta’ kostruzzjoni fil-Marsa.
L-inċident seħħ għall-ħabta tas-2.15 p.m. fi Triq Azzopardi. Fuq il-post issejjaħ tim mediku sabiex jassisti iżda sfortunatament il-mara ġiet iċċertifikata mejta fuq il-post.
Bil-każ ġiet infurmata l-Maġistrat tal-Għassa Dr Gabriella Vella li fetħet inkjesta filwaqt li l-investigazzjonijiet tal-Pulizija għadhom għaddejjin.
