Il-kuraġġ hu nofs il-fejqan. Minkejja l-isfidi kollha fil-ħajja wieħed għandu dejjem jagħmel il-kuraġġ.
Hekk propju qed tagħmel iċ-ċkejna Kate Ferriggi, li bħalissa tinsab il-Polonja fejn jiem ilu għaddiet minn operazzjoni maġġuri, u li fl-aħħar sigħat ħabbret li qed tagħmel l-almu tagħha sabiex jirnexxielha tqum bilwieqfa.
Fuq il-paġna tagħha ta’ Facebook, ‘Kate: Writing My Story’, kitbet li fil-jiem li għaddew kellha mumenti fejn saħħitha bdiet tmur lura. Iżda minkejja kollox hija tinsab determinata sabiex tasal għal dak li tixtieq.
F’filmat li qasmet fuq l-istess paġna wieħed jista’ jara wkoll is-sapport li ċ-ċkejkna Kate għandha mingħand il-ġenituri tagħha.