Is-sewwieqa li se jgħaddu mill-flyover tal-Marsa għandhom isuqu b’attenzjoni aktar mis-soltu minħabba kwantità kbira ta’ żejt tal-ikel li xxerred aktar kmieni.
Il-parti tal-flyover li minn Triq Garibaldi fid-direzzjoni lejn Triq Aldo Moro tinsab magħluqa għat-traffiku, filwaqt li ż-żejt qed jiskula għal fuq it-toroq ta’ taħt ukoll minħabba l-kwantità kbira ta’ żejt.
Ma setax jonqos li kawża ta’ dan l-inċident tinġema’ konġestjoni ta’ traffiku kbira. Fuq il-post hemm Uffiċjali tal-LESA u Transport Malta biex jidderiġu t-traffiku, waqt li uffiċjali mid-Dipartiment tal-Protezzjoni Ċivili jinsabu wkoll fuq il-post għaddejjin b’ħidma delikata biex jeliminaw il-periklu.
