Arsenal jistgħu jħabbru l-firma tal-attakkant ta’ Manchester City, Gabriel Jesus, fil-jiem li ġejjin.
Jidher li l-internazzjonali Brażiljan qed jitqies bħala l-ogħla mira tal-Gunners fl-attakk fin-nuqqas ta’ Pierre-Emerick Aubameyang u Alexandre Lacazette li ħallew il-club.
Eddie Nketiah impenja ruħu għal ftehim ġdid ta’ ħames snin fl-Emirates Stadium, iżda l-manager Spanjol tal-Gunners Mikel Arteta għadu jfittex attakkant ġdid qabel l-istaġun li ġej.
