Barcelona se jiltaqgħu ma’ Bayern Munich din il-ġimgħa bil-ħsieb li jaslu għal ftehim dwar ħlas ta’ trasferiment għal Robert Lewandowski.
L-internazzjonali Pollakk għamilha ċara li jrid iħalli l-Allianz Arena matul is-suq tat-trasferimenti ta’ dan is-sajf, u Barcelona jinsabu favorite sodi għall-firma tiegħu minkejja l-interess minn clubs bħal Paris Saint-Germain, Chelsea u Manchester United.
Huwa mifhum li l-ġganti Katalani qed jikbru dejjem aktar kunfidenti li se jkunu jistgħu jikkonvinċu lil Bayern biex iħalluh jitlaq dan is-sajf, sena qabel it-tmiem tal-kuntratt tiegħu.