Arsenal u Newcastle United jinsabu favoriti għall-akkwist tal-midfielder ta’ Napoli, Fabian Ruiz.
Il-player ta’ 26 sena gawda staġun tajjeb ieħor taħt il-gwida tal-coach Luciano Spalletti fejn irreġistra seba’ goals u ħames assists fi 38 partita fil-kompetizzjonijiet kollha matul l-istaġun 2021-22.
Ħdax mill-kontribuzzjonijiet ta’ Ruiz waslu fi 32 partita tas-Serie A, hekk kif l-Ispanjol għen lil Napoli jispiċċaw disa’ punti fuq Juventus fit-tielet post, u b’hekk issiġillaw post fiċ-Champions League.
