Atletico Madrid jittamaw li Joao Felix isir player permanenti ta’ Chelsea hekk kif it-talba tagħhom se tkun dik ta’ €140 miljun.
Bħalissa r-relazzjoni bejn Joao Felix u Atletico Madrid xejn ma hija tajba u għaldaqstant f’Jannar li għadda huwa ntbagħat b’self ma’ Chelsea sal-aħħar tal-istaġun.
Il-club Spanjol qed jittama li Felix ikollu prestazzjonijiet mill-aqwa minħabba li l-kuntratt jistipula li Chelsea għandhom l-ewwel għażla għal trasferimenti permanenti.
Atletico qed jitolbu din is-somma biex jibnu l-iskwadra tagħhom għall-istaġun li ġej.
Li hu żgur huwa li l-player Portugiż ma jridx jibqa’ ma’ Atletico Madrid sakemm ikun hemm il-coach, Diego Simeone.
