Bħala parti mill-attivitajiet tal-Festa ta’ San Ġużepp Ħaddiem f’Birkirkara, li tiġi ċċelebrata fl-1 ta’ Mejju, ser tiġi organizzata lejla ta’ tifkiriet u mużika bl-isem ta’ “Napprezzaw l-arti, inġeddu l-memorji”. Din il-lejla qed tiġi organizzata biex niċċelebraw il-50 sena mill-miġja tal-istatwa titulari ta’ San Ġużepp Ħaddiem u tal-Madonna tar-Rużarju fl-1972.
M’għaddewx xi għexieren ta’ snin minn fuq l-istatwi sbieħ u uniċi tal-istatwi ta’ San Ġużepp Ħaddiem u tal-Madonna tar-Rużarju — xogħol fl-injam b’disinn tal-artist Malti, il-Kavallier Emvin Cremona. Huma ħafna dawk li għadhom jiftakru l-miġja tal-istatwa titulari fil-bidu tas-sebgħinijiet. Oħrajn forsi jiftakru lil xi għeżież tagħhom, li m’għadhomx magħna, jirrakontaw xi mument jew ieħor minn dawk iż-żminijiet.
Din il-lejla b’tifkiriet u mużika ser issir nhar il-Ħamis 28 t’April 2022 fis-7pm fil-Knisja Parrokkjali ta’ San Ġużepp Ħaddiem, fi Triq Bwieraq, Birkirkara.
Kulħadd huwa mistieden, b’mod speċjali, il-parruċċani u oħrajn li għandhom xi ħaġa x’jirrakuntaw dwar il-wasla tal-istatwa titulari fostna. Huma mistiedna wkoll il-familjari ta’ dawk li ħallewna, li jixtiequ jaqsmu xi tifkiriet li għaddewlhom l-għeżież tagħhom.
Dawk li jixtiequ jieħdu sehem, jew inkella għandhom xi ritratti ta’ dawk il-mumenti li jixtiequ li jintwerew waqt din il-lejla, huma mħeġġa jagħmlu kuntatt mal-Kappillan Dun Charlon Muscat fuq 21483245. Għal iktar dettalji, wieħed jista’ jaċċessa l-paġna tal-Parroċċa fuq Facebook.
