Il-midfielder ta’ Monaco, Aurelien Tchouameni, saħaq li mhux ħerqan li jħalli l-club attwali tiegħu fost l-ispekulazzjonijiet li għaddejjin dwar il-futur tiegħu.
L-internazzjonali Franċiż reġa’ kien f’forma impressjonanti għat-team tiegħu tal-Ligue 1 matul l-istaġun2021-22, fejn skorja tliet goals u rreġistra żewġ assists f’46 dehra fil-kompetizzjonijiet kollha.
Numru ta’ clubs, fosthom Manchester United u Liverpool, huma maħsuba li huma interessati li jiffirmaw lill-midfielder, filwaqt li Real Madrid ġew marbuta wkoll mas-servizzi tiegħu.
Madankollu, il-midfielder qal li jkun miftuħ li jibqa’ ma’ Monaco, li bħalissa qed jippreparaw għall-partita tal-lum il-Ġimgħa kontra Lille.
It-team immexxi minn ta’ Philippe Clement jinsab fir-raba’ post fil-klassifika tal-Ligue 1, żewġ punti vantaġġ fuq Nice li jinsabu fil-ħames post, filwaqt li jinsabu f’parità ta’ punti ma’ Rennes li jinsabu fit-tielet post u tlieta wara Marseille, li jinsabu fit-tieni post.
