Balzan …………..2
Gudja United … 1
Balzan kisbu rebħa meritata ta’ 2-0 fuq Gudja United biex filwaqt li huma għamlu pass kbir lejn is-salvazzjoni, ikkundannaw lill-Gudjani biex staġun ieħor jilagħbu fil-BOV Challenge League.
Kienet partita li meta wieħed iqis iċ-ċansijiet li ħolqu Balzan, l-iskor seta’ kien ferm filwaqt li Gudja komplew jiddiżappuntaw.
Kienu Balzan li ħolqu l-ewwel periklu wara sitt minuti meta free-kick ta’ Oliver Rommens intemm ftit barra.
Huma komplew jiddettaw il-logħob u erba’ minuti wara George Blackwood kellu xutt minn ġol-kaxxa jiġi salvat mill-goalkeeper, Felix Lehtinen.
Il-Balzanin komplew jiddettaw il-logħob u, fl-14-il minuta, meta l-free-kick ta’ Jan Busuttil għadda jħakkek mal-wieqfa.
Gudja wieġbu għall-ewwel darba fil-21 minuta meta Shaisen Attard avvazna tajjeb u spara xutt qawwi minn pożizzjoni ideali li ħabat max-xibka minn barra, biex ta l-illużjoni tal-goal.
Did-29 minuta Balzan reġgħu ħolqu l-periklu meta Busuttil ra lil Lehtinen isalva bi tbatija. Ħames minuta wara reġa’ kien il-goalkeeper Finlandiż li salva fuq Aleksa Andrejic, din id-darba minn free-kick.
Madankollu, fl-44 minuta, meritatament Balzan fetħu l-iskor meta ALEKSA ANDREJIC irċieva l-ballun u permezz ta’ xutt fil-baxx minn qagħda ideali tefa’ l-ballun fir-rokna tax-xibka.
Minuta biss wara Gudja rrispondew mill-azzjoni li segwiet meta ż-żagħżugħ Mathias Conti ittanta xortih b’xutt fil-baxx mid-distanza li iżda ntemm barra.
Fis-67 minuta, Balzan reġgħu heddew u resqu qrib iżda Lehtinen reġa’ kien providenzjali meta salva fuq Andrejic.
Dan kien il-preludju għat-tieni goal ta’ Balzan li wasal minuta biss wara, meta xutt minn tarf il-kaxxa ta’ TRISTON CARUANA ma ta l-ebda ċans lil Lehtinen isalva … biex Gudja qatt ma dehru li setgħu jsalvaw ir-riżultat.
BALZAN: 1-Rudy Briffa, 4-Andre Prates, 5-Samir Arab, 7-Triston Caruana, 10-Jan Busuttil (22-Jake Grech 86), 11-Benjamin Hili (21-Aleksandar Katanic 60), 18-Ryohei Michibuchi (14-Dimeji Awosanya 80), 24-Nikola Bruinovic, 27-Olivier Rommens, 77-Aleksa Andrejic (17-Han Euigwon 86), 80-George Blackwood (23-Nikola Zerjal 60) – Coach: Oliver Spiteri
GUDJA U.: 1-Felix Alvar Olavi Leneiens, 5-Armando Brenner, 7-Shaisen Attard, 11-Matais Muchardi, 17-Josimar Aldair Quintero (77-Aidan Jake Friggieri 58), 19-Mathias Conti (9-Ibrahim Salis 82), 21-Luca Gatt, 24-Walter Omar Serrano (28-Rodrigue Nanitelamio 46), 39-Zak Grech (23-Neil Tabone 58), 88-Mirko Esposito, 99-Gianluca Zammit (8-Ernesto Gentile 81) – Coach: Renzo Kerr-Cumbo
REFEREE: Daniel Casha
ASS. REFEREES: Luke Portelli, Kurt Saliba
RABA’ UFF: Emanuel Grech
SKORERS: A. Andrejic 44, T. Caruana 68 (B)
AMMONITI: M. Muchardi (GU)
