Barcelona reġgħu qajmu l-interess tagħhom fil-midfielder ta’ Manchester United, Paul Pogba.
Il-kuntratt tal-player ta’ 29 sena f’Old Trafford se jiskadi fl-aħħar ta’ Ġunju, u huwa mistenni ħafna li jħalli lir-Red Devils fit-tfittxija ta’ club ġdid.
Juventus huma maħsuba li huma l-favoriti li jerġgħu jiffirmaw lill-internazzjonali Franċiż qabel l-istaġun 2022-23 minkejja l-interess minn Real Madrid u Paris Saint-Germain.
Madankollu, Barcelona huma wkoll lura fit-tellieqa għar-rebbieħ tat-Tazza tad-Dinja tal-2018, wara li saħħew il-finanzi tagħhom bi ftehim ta’ sponsorizzazzjoni ta’ qligħ sostanzjali minn Spotify.
Il-club Katalan issa jistgħu joħorġu bil-pagi meħtieġa biex jiffirmaw lil Pogba u se jimbuttaw għall-firma tal-midfielder fi tmiem l-istaġun.
L-ex player ta’ Le Havre u Juventus skorja goal u pprovda disa’ assists fi 23 dehra għal Manchester United matul l-istaġun 2021-22, wara li rritorna minn injury fil-koxxa fil-bidu ta’ Frar.
Pogba għadu maħsub li għandu offerta ta’ kuntratt fuq il-mejda mir-Red Devils iżda jidher li mhux probabbli li jkompli l-karriera tiegħu f’Old Trafford, bil-midfielder mistenni jħalli lill-club bi free transfer għat-tieni darba.
