Barcelona żiedu lid-difensur xellugi ta’ Chelsea, Marcos Alonso, mal-lista tagħhom ta’ miri ta’ trasferimenti f’dak id-dipartiment tal-ground.
Il-karriera mal-Blues tal-Ispanjol reġgħet bdiet taħt Thomas Tuchel, u huwa żamm il-post ta’ difensur xellugi b’Ben Chilwell jirkupra minn operazzjoni tal-irkoppa.
Iż-żmien ta’ Alonso ma’ Chelsea donnu kien qed jispiċċa taħt Frank Lampard, iżda dan il-player ta’ 31 sena kien protagonista b’erba’ goals u ħames assists f’41 partita matul il-kompetizzjonijiet kollha dan l-istaġun.
Madankollu, il-kuntratt ta’ Alonso mal-club ta’ Londra jiskadi fl-2023, u Barcelona qed iżommu ħarsithom mill-qrib fuq is-sitwazzjoni tiegħu.
Jidher li l-ex player ta’ Real Madrid huwa wieħed mill-ftit kandidati li qed jiġu kkunsidrati minn Barcelona, bi players bħal Sergio Reguilon, Alex Grimaldo u Raphael Guerreiro wkoll marbuta ma’ ċaqliq lejn il-Camp Nou.
Alonso laħaq total ta’ 28 goal u 22 assist f’207 logħba għal Chelsea mill-2016 u rebaħ il-Premier League, iċ-Champions League, l-FA Cup, l-Europa League, it-Tazza tad-Dinja tal-Clubs u l-UEFA Super Cup mal-Blues.