Barcelona mistennija jidħlu f’tatqiegħa ma’ AC Milan u Borussia Dortmund għall-firma tad-difensur ta’ Ajax, Noussair Mazraoui, fi tmiem l-istaġun.
Il-kuntratt taż-żagħżugħ ta’ 24 sena f’Amsterdam għandu jiskadi fl-aħħar ta’ Ġunju, u huwa lest li jkun disponibbli bi free transfer, b’numru ta’ clubs maħsuba li huma interessati fil-firma tiegħu.
Huwa mifhum li minkejja interess mill-Premier League, Mazraoui mhux interessat li jmur jilgħab l-Ingilterra f’dan l-istadju tal-karriera tiegħu.
Barcelona jinsabu sodi fit-taqtiegħa għall-firma tiegħu, u l-aktar kompetizzjoni qawwija għall-club Katalan ġejja minn AC Milan u Borussia Dortmund.
Mazraoui reġa’ kien f’forma impressjonanti f’livell ta’ club matul l-istaġun 2021-22, fejn għamel 28 dehra fil-kompetizzjonijiet kollha, skorja ħames goals u pprovda erba’ assists fil-proċess.
Intant, l-internazzjonali Marokkin skorja 10 goals u rreġistra disa’ assists f’130 partita għal Ajax mindu ddebutta mal-ġganti Olandiżi lura fl-2018.
