Hekk kif Bayern Munich batew aktar milli mistenni sabiex jegħlbu l-isfida iebsa li tawhom Copenhagen bl-iskor ta’ 2-1, huma ħolqu rekord li ilu għaddej għal dawn l-aħħar 36 logħba.
Fil-fatt wara 33 rebħa u tliet draws, it-tim mill-Bavarja hu wieħed mill-iktar klabbs ta’ suċċess fil-fażi tal-gruppi ta’ din il-kompetizzjoni. Huma saħansitra rebħu l-aħħar 15-il kofnront milgħuba fl-Ewropa.
Fuq kollox, l-attakkant veteran Thomas Muller sar wieħed mill-iktar plejers ta’ suċċess mal-klabb tiegħu hekk kif laħaq il-mitt rebħa fl-Ewropa kemm ilu ma’ Bayern Munich.
