Il-leaders Bayern Munich ġew miżmuma fi draw ta’ 1-1 minn Leipzig hekk kif il-Bundesliga rritornat wara waqfa ta’ 68 jum f’nofs l-istaġun.
Serge Gnabry laqat il-lasta u Leon Goretzka kellu goal imħassar għal pożizzjoni ta’ offside.
Bayern skorjaw l-ewwel goal tal-Bundesliga mit-Tazza tad-Dinja meta Eric Maxim Choupo-Moting xeħet fix-xibka mill-viċin mill-cross ta’ Gnabry.
Iżda Leipzig, li jinsabu fit-tielet post, salvaw punt meta Marcel Halstenberg ikkonkluda bir-ras fuq suġġeriment ta’ Dominik Szoboszlai.
Fil-ħin miżjud, Thomas Muller kien u għoddu skorja l-goal tar-rebħa għaċ-champions Bayern – li kienu rebħu l-10 logħbiet preċedenti tagħhom, iżda minn qagħda tajba falla l-mira.
Il-goalkeeper veteran, Yann Sommer, għamel id-debutt tiegħu għal Bayern Munich wara li ftit tal-jiem ilu ngħaqad magħhom mingħand Borussia Monchengladbach għal €10 miljuni.
