Id-difensur internazzjonali Ingliż ta’ Chelsea, Ben Chilwell, huwa viċin li jitlef it-Tazza tad-Dinja meta lejn tmiem il-partita tal-Fażi tal-Gruppi tal-UEFA Champions League li fiha l-Pensioners għelbu lil Dinamo Zagreb bl-iskor ta’ 2-1, sofra injury fil-hamstring.
L-Ingilterra jibdew il-kampanja tat-Tazza tad-Dinja kontra l-Iran, fil-21 ta’ Novembru, fil-Qatar. Chilwell kien se jkun għażla awtomatika fil-pożizzjoni ta’ difensur xellugi fit-team immexxi mill-coach, Gareth Southgate.
Il-manager ta’ Chelsea, Graham Potter, ta aġġornament fl-intervista tiegħu ta’ wara l-partita.
“Xejn ma jidher pożittiv għal Chilwell. Huwa sofra injury fil-hamstring u rridu naraw il-gravitá tagħha.”
