West Ham United qegħdin ifittxu attakkant sabiex isaħħaħ id-dipartiment offensiv. Hu fatt magħruf li f’Jannar id-diriġenti tal-Hammers se jmorru għall-iskorer prolifiku ta’ Blackburn Rovers Ben Brereton Diaz. Dan tal-aħħar għaddej minn vena mill-aqwa mat-tim li jilgħab f’The Championship hekk kif skorja disa’ gowls u wettaq assist wieħed sa mill-bidu tal-kampjonat.
Diaz, li qed jiġi segwit ukoll minn Salernitana, jiswa madwar €16-il miljun. Hu għandu 23 sena u lagħab 17-il darba mat-tim nazzjonali taċ-Ċili.
