Id-difensur ta’ Manchester City, Benjamin Mendy, deher il-Qorti akkużat b’erba’ akkużi ta’ stupru u wieħed ta’ attakk sesswali.
Il-player ta’ 27 sena huwa akkużat li attakka tliet nisa fid-dar tiegħu f’Cheshire bejn Ottubru 2020 u Awwissu 2021.
Louis Saha Matturie ta’ 40 sena minn Salford deher ukoll f’Chester Crown Court akkużat b’erba’ akkużi ta’ stupru.
L-ebda wieħed mill-irġiel ma ntalab idaħħal mottiv u t-tnejn inżammu arrestati.
Huma jmisshom jidhru l-qorti fil-15 ta’ Novembru u ġiet iffissata data tal-proċess għall-24 ta’ Jannar.
L-internazzjonali Franċiż, Mendy, ta’ Prestbury, lagħab maċ-champions tal-Premier League fl-istaġun li għadda mill-2017, meta ngħaqad minn Monaco għal £52 miljun.
Bħalissa huwa jinsab sospiż fejn il-kuntratt tiegħu mistenni jiġi wkoll annullat.
