Bernd Leno ikkritika lil Arsenal dwar it-trattament tiegħu mill-club u sostna li t-tluq tiegħu kien minħabba “politika” u mhux minħabba wirjiet.
Wara li għamel 125 dehra f’perjodu ta’ erba’ snin fl-Emirates Stadium, il-goalkeeper ta’ 30 sena ngħaqad ma’ Fulham bi ftehim permanenti ta’ madwar £8m ix-xahar li għadda, u ffirma kuntratt ta’ tliet snin.
Leno tilef postu bħala l-goalkeeper numru wieħed ta’ Arsenal wara l-wasla ta’ Aaron Ramsdale, u l-internazzjonali Ġermaniż għamel biss tmien dehriet fil-kompetizzjonijiet kollha fl-istaġun li għadda.
