Bint alleat qrib tal-President Russu Vladimir Putin inqatlet qrib Moska.
Skont il-midja tal-istat, Darya Dugina mietet wara li l-karozza tagħha splodiet waqt li kienet qed issuq lejn id-dar.
Huwa maħsub li missierha, il-filosfu Russu Alexander Dugin magħruf bħala “l-moħħ ta’ Putin”, seta’ kien fil-mira ta’ dan l-attakk.
Skont il-midja Russa, il-missier u l-bint kellhom jivvjaġġaw lura minn avveniment is-Sibt filgħaxija fl-istess karozza qabel ma s-Sur Dugin ħa d-deċiżjoni li jivvjaġġa għalih waħdu fl-aħħar minuta.
Aġenziji tal-infurzar tal-liġi kkonfermaw mal-aġenzija tal-aħbarijiet Tass li sewwieqa mara mietet wara li SUV splodiet fir-raħal ta’ Bolshiye Vyazemy iżda ma kinux ipprovduti aktar dettalji.