Birkirkara FC ħabbru sħubija ġdida ma’ Macron u r-ritorn tal-kit ikoniku bl-istrixxi ‘Stripes’
Birkirkara FC ħabbru ftehim ġdid ta’ sponsorship ma’ Macron, li se jara l-marka ta’ abbiljamenti sportivi ta’ fama internazzjonali jsir l-isponsor ewlieni tal-kits tal-Klabb.
Il-ftehim jimmarka pass importanti ‘l quddiem għall-Klabb u jifforma parti mill-impenn kontinwu ta’ Birkirkara FC biex issaħħaħ is-sħubijiet kummerċjali tagħha filwaqt li tipprovdi lill-plejers, lill-istaff tekniku u lill-komunità usa’ tal-futbol tagħha ħwejjeġ sportivi ta’ kwalità għolja u professjonali.
Permezz ta’ din is-sħubija, Macron se jipprovdi l-kits u l-ħwejjeġ sportivi uffiċjali għal Birkirkara FC, u b’hekk isaħħaħ l-ambizzjoni tal-Klabb li jaħdem ma’ marki internazzjonali stabbiliti li jaqsmu l-valuri tiegħu ta’ kwalità, prestazzjoni u eċċellenza.
F’kumment dwar dan il-ftehim, il-president ta’ Birkirkara FC, Christian Cardona, qal:
“Ninsabu kuntenti ħafna li nilqgħu lil Macron bħala l-isponsor ewlieni l-ġdid tal-kit tal-Klabb. Din is-sħubija tirrappreżenta pass importanti għal Birkirkara FC u tirrifletti l-impenn kontinwu tagħna li nsaħħu l-Klabb kemm fil-grawnd kif ukoll barra minnu.
“Aħna wkoll partikolarment eċċitati li nġibu lura l-kit ikoniku bl-istrixxi (‘striped’) tal-Klabb. Dan id-disinn għandu post speċjali fl-istorja u l-identità ta’ Birkirkara FC, u nemmnu li r-ritorn tiegħu se jintlaqa’ tajjeb ħafna mill-partitarji tagħna. Flimkien ma’ Macron, nistennew bil-ħerqa li noħolqu kit li jonora l-wirt kburi tagħna filwaqt li jirrappreżenta l-ambizzjonijiet tal-Klabb għall-futur.”
Johnathan Darmanin, ir-rappreżentant lokali għal Macron, żied jgħid:
“Ninsabu kuntenti ħafna li nibdew din is-sħubija ma’ Birkirkara FC, wieħed mill-aktar klabbs tal-futbol stabbiliti u rispettati ta’ Malta. Macron huwa impenjat li jwassal ħwejjeġ sportivi innovattivi u ta’ kwalità għolja, u nħarsu ’l quddiem biex nappoġġjaw lill-Klabb hekk kif ikompli jibni fuq l-ambizzjonijiet tiegħu u jsegwi s-suċċess.”
”Ir-ritorn tal-kit ikoniku bl-istrixxi huwa żvilupp eċċitanti, u kburin li naħdmu mal-Klabb biex noħolqu identità distintiva li tirrispetta t-tradizzjonijiet tiegħu filwaqt li tħaddan approċċ modern.”
Fi stqarrija, Birkirkara FC, qalu li qed iħarsu ’l quddiem lejn relazzjoni ta’ suċċess u fit-tul ma’ Macron u Teamsport.
