“Qas naf minn fejn ser nibda. Dan il-lejl ħalliena dan l-anġlu sabiħ.”
Hekk bdiet il-messaġġ tagħha Angele Camilleri, Kunsilliera inkarigata mill-qasam soċjali u li tassew taħdem ħafna mill-qrib ma’ persuni fil-bżonn tant li mhux l-ewwel darba rrikorriet għall-midja soċjali biex tappella għall-għajnuna.
“Ixxukjata u bla kliem. Il-Mulej isabbar lil ħutu u lill-ġenituri tiegħu. Kull donazzjoni li ntbagħtet ser tintuża għall-funeral tiegħu għax qed jgħiduli l-ġenituri qas għandhom biex jagħmlulu l-funeral. Min jista’ jgħinhom ftit imsieken ikellimni għax vera qegħdin imkissrin,” qalet Angele.
Hija qalet li min jixtieq jgħin jista’ jibgħat fuq il-paġna tagħha ta’ Facebook jew Revolut jew bov mobile 99067562.