Birkirkara Youngsters u Mosta St Mary’s baqgħu fl-ewwel post tal-kampjonat reġjonali tal-Blackball meta rebħu l-logħbiet rispettivi tagħhom.
Il-Karkariżi rebħu 11-4 kontra Selmun Bar A filwaqt li l-Mostin kisbu rebħa tajba ta’ 11-6 kontra Birkirkara Duke’s A.
L-istess skor ġie reġistrat minn San Ġwann Nik’s u Birkirkara Boċċi li għelbu lil San Ġwann White Hart u Ħamrun 147 C rispettivament.
Mill-Community League, il-leaders għadhom Valletta Fossa Boys li kisbu t-tielet rebħa staġjonali wara li għelbu lil Selmun Bar C 11-3.
PL Balzan A u Jojo’s Birżebbuġa B kisbu skor identiku ta’ 11-6 kontra Birkirkara Duke’s B u Mosta St Mary’s B filwaqt li Juve Birkirkara B kellhom sfida iebsa minn Domus Kids Żejtun għalkemm xorta rebħu 11-9.
