Se jkunu Ħamrun 147 A u Valletta Breakwater li se jikkontestaw il-finali tan-National Christmas Trophy meta fis-semifinali kisbu r-riżultat tant mixtieq fuq żewġ legs.
Il-Ħamruniżi għelbu lil Cospicua Rangers 13-7 u 21-11 bil-Beltin li xejn ma sabuha faċli fejn wara dro ta’ 10-10 fl-ewwel leg kontra Jojo’s Birżebbuġa, huma kienu aktar preċiżi fit-tieni konfront tant li rebħu 21-15.
Sadanittant fir-Regional Christmas Trophy, se jkunu Ħamrun 147 C u Birkirkara Youngsters li se jilagħbu l-finali tal-ġimgħa d-dieħla.
Il-Ħamruniżi rebħu 14-6 u 21-15 kontra San Ġwann Nick’s filwaqt li l-Karkariżi għelbu lil San Ġwann Whiter Hart 13-7 u 20-12 fuq żewġ legs.
Finalment fil-finali tal-Community Christmas Trophy, Valletta Fossa Boys u Jojo’s Birżebbuġa għaddew għall-fażi deċiżiva tal-finali.
Il-Beltin għelbu lil Selmun Bar C 14-6 u 21-8 bit-tim min-naħa t’isfel ta’ Malta li għeleb lil PN Mġarr 12-8 u 21-14 bit-tim mill-kapitali li rebaħ lil Selmun Bar 14-6 u 21-8.
