Valletta Breakwater huma ċ-champions il-ġodda taċ-Cisk Premier League tal-Blackball meta fil-finali li ntlagħbet fil-Fuego Speakeasy Arena f’Birkirkara għelbu lil Cospicua Rangers 11-3.
Kienet logħba li t-tim mill-kapitali amministra għal ħafna mill-ħin u minkejja li sab ruħu minn taħt, kien kapaċi jwettaq reazzjoni sa ma dawwar ir-riżultat favurih.
Sa tmiem l-ewwel parti tal-logħba, il-Beltin kienu 7-3 minn fuq sabiex fit-tieni parti l-Bormliżi ppruvaw iwettqu reazzjoni iżda sabu lill-avversarji tagħhom ferm konċentrati.
Fl-aħħar frame kien determinanti Scott Muscat ta’ Valletta Breakwater li daħħal il-boċċa rebbieħa u ta t-titlu lit-tim tiegħu.
