“Maġġoranza ta’ nies fid-dinja moderna, inkluż jien, kienu qed jiġu skoraġġuti milli jieħdu interess fil-politika. Ingħataw raġunijiet varji fosthom li t-televiżjoni kien mimli programmi politiċi. Il-midja wkoll mimlija bil-politika. Tispiċċa ma tkunx trid tgħix aktar wara li tisma’ xi bulettini tal-aħbarijiet. U issa l-gwerra. X’negattività.”
Titkellem dwar dan Iness Gorkess, Ukrena li bħall-Ukreni l-oħra esperjenzat il-kruha tal-gwerra. Fi kliemha stess “Qed naraw bliet litteralment jinkinsu. Eluf kbar ta’ refuġjati. Nies mejtin. Mistoqsijiet kbar isiru minn persuni mbikkma. Ir-ritratt juri lili f’dak il-jum terribbli tal-24 ta’ Frar, l-ewwel jum tal-invażjoni Russa”.
