Borussia Dortmund jistgħu jagħmlu offerta għall-attakkant ta’ Manchester United, Anthony Martial fis-sajf li ġej, hekk kif il-ġganti tal-Bundesliga qed jippreparaw għat-tluq probabbli ta’ Erling Braut Haaland.
Klawsola ta’ release ta’ £67 miljun fil-kuntratt ta’ Haaland issir attiva s-sena d-dieħla, u l-internazzjonali Norveġiż huwa mistenni li jħalli l-club, b’Manchester United wieħed minn numru ta’ clubs qed jikkompetu għall-firma tiegħu.
BVB diġà qed jippreparaw għat-tluq taż-żagħżugħ ta’ 21 sena u identifikaw lil Martial bħala sostitut potenzjali għall-attakkant ċentrali.
Il-Ġermaniżi huma interessati wkoll f’Timo Werner ta’ Chelsea, iżda l-attakkant ta’ Man United huwa meqjus bħala għażla iktar affordabbli fl-2022.
Martial naqas milli jiskurja f’sitt dehriet għat-team ta’ Ole Gunnar Solskjaer dan l-istaġun u naqas milli jagħmel l-aħjar użu mill-opportunità li jimpressjona kontra West Ham United fl-EFL Cup nhar l-Erbgħa filgħaxija.
Iż-żagħżugħ ta’ 25 sena, li ngħaqad mar-Red Devils mingħand Monaco f’Settembru 2015, għad fadallu tliet snin fil-kuntratt tiegħu ma’ Manchester United.
