Mijiet ta’ ammiraturi tal-kantant Tom Parker taw l-aħħar tislima lil dan il-kantant waqt il-funeral tiegħu li sar iktar kmieni llum fl-Ingilterra.
Parker, imwieled f’Bolton, miet fl-età ta’ 33 sena lejn l-aħħar ta’ Marzu li għadda — kważi 18-il xahar minn mindu ħabbar li għandu tumur f’moħħu.
Huwa kien jifforma parti mill-band “The Wanted”, flimkien ma’ Max George, Siva Kaneswaran, Jay McGuiness u Nathan Sykes. Din il-band bejn l-2010 u l-2013 kellha għaxar kanzunetti li kienu mniżżla mal-aqwa għaxar kanzunetti tal-Ingilterra, fosthom: “All Time Low”, “Chasing The Sun”, “Heart Vacancy” u “Lightning”.
Sħabu tal-band kienu dawk li assistew fil-ġarr tat-tebut ta’ Parker.
