Hamrun Spartans ……. 1
Sliema Wanderers …….1
Bħal Floriana, Hamrun Spartans sfaw miżmuma fi draw ta’ 1-1, din id-darba kontra Sliema Wanderers, iżda dawn tal-aħħar qamu għall-okkażjoni … biex jekk dawn huma żewġ punti mitlufa għall-Ispartans, huwa punt mirbuħ u meritat għall-Wanderers.
Qabel il-logħba ingħataw żewġ flokkijiet kommemorattivi liż-żewġ players Hamruniżi, Steve Borg u Emerson Marcelina … il-Malti wara li lagħab 300 logħba fil-Premier filwaqt li l-Brażiljan lagħab 200 partita.
Hamrun Spartans fetħu l-iskor proprju fl-ewwel azzjoni perikoluża li ħolqu fid-29 minuta, meta l-iskorer prolifiku, LUKE MONTEBELLO, qabeż player avversrju, avvanza fil-kaxxa u venven xutt b’saħħtu li ma ta l-ebda ċans lill-goalkeeper, Rashed Al Tumi, isalva.
Sliema wieġbu eżattament qabel tmiem l-ewwel taqsima permezz ta’ daqqa ta’ ras mill-viċin ta’ Karim Abubakar li għaddiet ftit ċentimetri fuq il-mimduda.
L-azzjoni sussegwenti waslet, fit-62 minuta, bis- Slimiżi jkunu huma li joħolqu l-periklu meta s- sostitut Geoffrey Edwin Achemapong xeħet cross fil-kaxxa li iżda ġie antiċipat mill-goallkeeper ta’ Hamrun, Henry Bonello.
Il-Wanderers bdew juru ċerta personalitá fil-ground u erba’ minuti wara, meritatament ġabu l-iskor indaqs meta wara taħwida fil-kaxxa, GEOFFREY EDWIN ACHEAMPONG, żmarkat għal kollox tefa’ l-ballun wara Henry Bonello … biex dan kien l-ewwel goal li sofrew il-Ħamruniżi f’dan l-istaġun.
Fil-75 minuta, cross tas- Slimiż, Denis Kouao, ġie interċettat tajjeb minn Bonello.
Hamrun wieġbu żewġ minuti wara meta free-kick tal-Kroat, Roko Prsa, ġie devjat f’corner minn Al Tumi.
HAMRUN S: 1-Henry Bonello, 4-Steve Borg, 7-Luke Montebello (94-Ryan Camenzuli 69), 10-Joseph Mbong, 12-Roko Prsa, 14-Elionay Freitas, 23-Uros Duranovic, 27-Ognjen Bjelicic, 28-Juan Carlos Corbalan (25-Ederson Bruno Domingos 69), 30-Seth Paintsil (98-Jonny 76), 91-Emerson Marcelina – Coach: Luciano Zauri
SLIEMA W.: 22-Rashed Al Tumi, 2-Jean Borg, 6-Joseph Marie Minala, 9-Vito Plut (70-Lydon Micallef 90), 11-Myles Beerman, 15-Gustavo Alcino, 18-Edmond Agius (33-Geoffrey Edwin Acheampong 60), 20-Denis Koauao, 31-Henrique Feire, 39-Samuel Gomes Da Mata (8-Mark Scerri 80), 99-Karim Abubakar (77-Mohamed Awad 60) – Coach: Paul Zammit
REFEREE: Alex Johnson
ASS. REFEREES: James Muscat, Kurt Saliba
RABA’ UFF: Emanuel Grech
SKORERS: L. Montebello 29 (H), G. E. Achemapong 66 (S)
AMMONITI: H. Freires, T. Aquilina, G. E. Achemapong, R. Al Tumi, D. Kouao (SW), E. De Freitas Da Silva (HS)
