“Ritratt li ttieħed f’Settembru li għadda meta ommi kellha tgħaddi minn trattamenti ta’ sigħat twal. Ġiet operata qabel għeluq sninha u wara xi ġimagħtejn ngħatajna l-aħbar li kellha kanċer. It-tobba intervjenew biex neħħew it-tumur, iżda rritorna… ferm aktar malajr milli mistenni”. Qasmet din l-esperjenza tagħha ż-żagħżugħa Sarah Spiteri li fl-aħħar jiem tilef lil ommha wara ġlieda kontra l-kanċer.
Hija kompliet biex tgħid li r-raġuni għalfejn sabet il-kuraġġ biex tagħmel dan kienet li ommha Miriam minkejja dawn l-intoppi kollha, dejjem kienet issib raġuni għalxiex titbissem. Anke jekk kienet taf li kien għad baqagħlha biss ftit jiem ħajja.
Iż-żagħżugħa ttenni li minkejja li stess ma taf kif sabet il-kuraġġ taqsam dan il-ħsieb, qiegħda tagħmel dan minħabba raġuni waħda prinċipali.
“B’din il-kitba nista’ nkun qiegħda nagħmel kuraġġ lil xi ħadd li jaqra dan il-kliem u jieqaf biex japprezza li għandu. Fuq kollox jeħtieġ nieqfu ngergru minħabba affarijiet frivoli”, temmet Sarah.
