Kien każ ta’ ferħ doppju għal Mgarr United hekk kif il-players tagħhom, Brenda Borg u Amber Grech rebħu l-unur tal-Assikura Player tax-Xahar tan-Nisa għal Marzu u April, rispettivament.
Borg, il-captain ta’ Mgarr United, kisbet it-tieni premju Assikura tan-Nisa Player tax-Xahar wara li rebħet l-ewwel premju għall-istaġun 2022/23 wara l-wirjiet tagħha matul il-perjodu Settembru-Ottubru.
Il-player internazzjonali tan-nisa ta’ Malta kienet strumentali għal Mgarr United matul ix-xahar ta’ Marzu hekk kif kisbu tliet rebħiet, fosthom rebħiet kontra Hibernians u Raiders-Lija li dak iż-żmien kienu qed jisfidaw ukoll għat-tielet post fl-2022/23 Assikura Women’s League.
Min-naħa tagħha, Amber Grech ħadet il-premju finali tal-Assikura Women’s League Player of the Month għal dan l-istaġun wara li ġiet ivvutata l-aħjar player għal April.
Grech temmet l-istaġun tagħha bl-istil, fejn skurjat seba’ gowls fiż-żewġ logħbiet kontra Mtarfa biex għenet lill-Greens jispiċċaw it-tielet fl-Assikura Women’s League.
Lucienne Cini, Chief Operating Officer ta’ Assikura Insurance Brokers PCC Limited, ippreżentat il-premjijiet lil Borg u Grech.
